اكثر مجموعة غناوي وردودهن

ننسوا فيه يوم بيوم عزيز . . . نين ياساته مضن

أنا ياقلبي أخطيت معاك عطيتك للي مايسواك

حتى والمواير ياس . . . غلا عزيز نا ما نتركه

اللي فــاقــد يــانــاس غــلاه ... ايـجـينـي نبكي نــا ويــاه

مااتقول شى مشو على الارض .....جرت رحيلهـم مـا لقيتهـا

ابكي عليه ليل نهار ........... عزيز كان يا عين واجعك

يا ريت الغلا ما صار.. تباعد ونا في عازته

كان بكت عيني نعذرها............... ماملي كاسر خاطرها

انتم اعزاز نين انموت . واصحاب صوب ديما يا علم

يا القديم خذيت النوره...جيت على تربه منكوره

خودي طول الليل وجضي ... غاب اللى يزعل ويرضي

مايبرد ياعيني سطيري والدواي امداوي غيري

ننسوا فيه يوم بيوم . . . عزيز نين ياساته مضن

هويت نين كفي طاب .... عليها ليالي وما غفت

مقوى عزايمك يالارض .. اتواري اللي ماينتسى

مايملى عيني خاطيهم ..... ناس عزاز خذيت عليهم

ننشد في تكاز منامي...قال ابكي ماهناك قسامي

تــربـح يــالــقــديــم خــطــاني ... تــأخــد ســو الـلـي دوانـــي

أللي غلاه فرط فيه...يصعب عليه ماعاد ياجده

أَن مو في نظر في حلم ** عزيز نسوته مي باينة

ننسوا فيه يوم بيوم . . . عزيز نين ياساته مضن

ياالعين نا وياك ... لنا الله ما دام ما قسم

الياس ابقيلي كليات . . . ايسجل ويخرج دفعات

صعيبه عليه العقل...ينسى ناس روحه عندهم..

شور الدار امشي بي غادي .... عندي دمع اينوض وادي

مايملى عيني خاطيهم ..... ناس عزاز خذيت عليهم

مشكا العقل غيبه فيه ...وسكاته علي داه قطمره

ياقديم عليك بنينا بيت وما فيه التمينا:

تهيولي لولاف وراي،،،،،أستبطيت استرخيت أخطاي


لو غاب النظر و السمع ... نخلب اتراب لوهام نخبرا

كبيرة غيبتكم على العين *** امغير الخاطر عزمة زين

سلملمزعمه راك يامرهون . . . كيفى تحوس مانوم جايك

سيد الصوب اليوم مضلم مغير نفس يمشى ويروح

الليل ناخذه تستيه ... بعد عزيز ما نوم جايني

يا خاينة معاد انريد حنانك.........يا خاينة عطك شلل فى لسانك نين تسكتى

إينوس خاطري مهيوس من ياس ناس كانو له ونس.

أهداء للتوب الي قاعد ايبحت ومايبيش ايرد

عيني قالتلي في وذني ... خذني شور اولافي خذني

العين قابلت ووزنت والعقل قال ما كيفك علم :

قديم دفني قبل انموت ... جديد رفعني مالتابوت

لثنين واعرات عليك قسوت قديم يا العين و البكا

امعالقه وتتطوطـح ,, كبـــدي على العزيز ذايبه

انقول حلم ولا علم >><< بعد اسنين لاقيت جارحي

عيني قالتلي في وذني ... خذني شور اولافي خذني

طبيب لطبيب ايقول ايموت بينا راك تلمسه

علي عقلي ما من منشاب .... اللي عزقة مرهون وغاب

العقل لابرا لامات مريض مريض يا غوالي دونكم

للعقل يا غلا تميت ..دوا اوقات واوقات علتا

عزيز هو داي ودواي ..... ومشكاي وطبيبي وعلتي

غافر دار بعد غيابي *** نين أقريب تسّمابي

قاعد غير خيال بلاكم .. يالولاف العقل معاكم

عليك راي درتا غبر .. شقيت نار وايدي خالية

انظاري تاني يوم خطاه .. تباكن عالغالي وغلاه

كبدي من نيران الغايب .......تساقط كي كبد الذايب

أنريده أيريد أيريح .... عزيز ياقسامي دونكن

نار قديم على انهدت . . . ياماردوها ماردت

خلاني القديم رماد *** امغير فيش يانار والعه

احصل العقل عند الغير . . . واحصل الغير فى ايدين غيرنا

الخاطر في شور غوالي اوحلنا فيه . . . جفا نومه ما عاد ايجيه

ننهاك عن سريب عزيز *****نلقاك فيه ياعين تايها

العين عموها ناس أعزاز....أتريد اتركب عين قزاز

بكيت وانا مانى بكاى ......مغير قديم طروه احداى

كل عزيز خذا ماسدا **** من كبدي ياعين وعدا

غافر دار بعد غيابي ... نين أقريب تسّمابي

: مادامك بلاي أحملت نشقا بعزم و أندير دورتك

عزيز مرايفين عليه يعوين الي فيه ينضرو

جبد سريب جابك فيه ،، بكا العقل ماحوته سكت

القديم جروحك فينا**ما يبرن نين اداوينا

وراكم انسيتو جرح ،،ردو عليه داووه وارحلو

انريد علي لولاف انعد ... اتجي عند اللساني و اترد

هظا براي منكن يوم ** نلقاكن اتهاتن بالقدم

ايلوذ بين حلم وعلم . . . قديم وين منا نلتجي

مملوك غير جاحد كنت . . . علي ابعضى رانى للقـــدم

انا والعين هجينا النوم .....مادام الغالي مهموم

انخاف كاي اندير جديد ... توصل للقديم توجعه

اتركهن تنال جميل مالك سبب في ذنبهن

غويت فى عزيز غشيم . . . الجرح جار وصوب ما عرف

النار قايله للعقل أن صار يأس لولا ف ناخـذك.

العين حالمه منام تفسير زها عمر مو ناظره

اليوم بجديد امطرت . . . فكت اجداب صوبي لولي

تلذيع القديم اقهار .. إن درتي جديد ياعين شاوري

نار قديم وهي عثانه ... مازالت لليوم امعانا

العقل لا أتزيد عليه *** متضايق اللي فيه ساده

بعد قديم نوم العين ~ غفوات غير يا دوبك أيجن

الخاطر يانشاف الريق حلف ماعاطي فيك طريق

شراء وبيع وأخرى ملك . . . علي بعضي نا للقدم

قاعد غير خيال بلاكم .. يالولاف العقل معاكم

نــومي يـوم فــراق اولافــي .... شلت الصوت وشلت السافي

يوم فراق الغالي لنا *** كفي دمع وكفه حنه

اقدم ما قالو هاك دواك...و لا قالولى موت بداك.

ان كان الغلا ينزاد انزيدوك ياعزيز غلا ..ونكان ما ينزاد ...ماعندي مانديرلك عاد

العين جرحها تقريض .. تقطيرت الدوا ماي حامله

حلال لا أبكاء لاغيض .. أمفيت عالمواهيم والقدم

يا لولاف بطيتوا ساعه .. صارت في عقلي زعزاعه

سبب علته مرهون ......... دوا العقل في قولة فْضي

شديد عزم في التوديع .. العقل ما بكى نين باعدوا

"اللي تقسم في الجوف اتبات .. ايقولوا غصبن عالياسات"

راكم يالولاف اعيونى ...لو غبتوا يوم اضرونى

رانى يا لولاف وراكم وان غبتو رانى نلقاكم

الدنيا بلا لحباب علقم ساده ...فى غيابهم درنا الشوق وساده

عزيز للكفا ما هان ....... وافعاله خطا واجعاتني

ايقولن خطاهم جبر *** مازالن حنونات عالغلا

العين اتقول قديم قديم..جديد امحرمتا تحريم

ماهى نسوه مازالت فى عينى كبير وتسوه كنى عليك غبت ما هى نسوه

قديم امخيبنا تخييب ...سماحت تهواى و ترجيب.

العقل من امرار الوقت يرقد مريض وينوض منفجع

غاب عزيز الدنيا مالت .... ويش الى تقهر مازالت

ذابن ذوب علي غيابي *** كبدي والرية واجنابي

مانى عليه امدرب ..انخاف الغلا يطلع سلاح امهرب ..وبيه ننعدم

عزيز كل يوم ايزيد *** عليك بعد ياعين وغلا

قدرك يامرفوع القامه ...كيف اوباما...كل العالم طاع كلامه

غلانا حرير وسدر *** ان جو للموازاه يوحلوا

وراكم انسيتو جرح *** ردوا عليه داووه وارحلوا

اديونى على مرهون . . . اثبتن غير حقى أمسيبه

لاو جاحدة ولاو ينطال *** مرهون عند مرهون خاطري

ما ملي في عقلي صارت ... لكن وارينا و توارت

مرات مالجروح انغلب *** في شيلت اقدامي مالوطا

العقل من خطا لــولاف ..... ان ضاع ضاع وان عاش ع العدم

غلاك بقوه ..يدلف فى شرايين القلب ينحت جوه.. كل يوم ايزيد

ما بالبكا ننساه .. عزيز فجوتا مى صغيره

حى وميت فى سباكم ...طال رجاكم ..بهدلنى بالحيل غلاكم

شدي عزايمك يا عين ... او ظايع علي ما من غلا

غلاك ماعنده تحديد...مداه بعيد..امعانا كل يوم ايزيد

خلاها اخطور عزيز ... مستوها بلانوم قاعدة

غلاكم عندى ماله كيل ...ولاتمثيل بلاكم.. ولاقوه ولاحيل

احلم العقل بانى بيت ..رحات الغلا فيه تدقل

ماهناك قراية ...العقل عندك والكتاب معايا ...غير كيف ننجحوا

ماصدتلك يانوم .. في نهار والليل يخطروا

كان نويت جفانا ...وتى الكفن والقبر والجبانه..وطابور العزاء

الله ايسامحك ياليل...تجيب في مخاطير يفجعن

نكتب عليه ازاله ...ويبقى خرابه طايحات اقفاله ...العقل كان نساك

رايح يا مفتاح اسراري...ماملي جوا متواري


موش ابطوعه.. يقفز ايشدن فيه غير اضلوعه ..قلبى مرايف

الخاطر وين شكا بجروحه..بكا شيخ الياس بروحه

امفيت ياالياس انموت *** مني غلاي مانك واخذه

ارقد مطمن يالقديم..على غيرك مافي تخميم

تباعد غادي يا الجديد *** اقدم قدامك وين اتريد

عليك موده ياقديم..اجروح امعقب وامواهيم


سوايا القديم أمسحت ..*** تدليلة جديدين الغلا

قديم امخيبنا تخييب ...سماحت تهواى و ترجيب

مايبرد ياعيني سطيري والدواي امداوي غيري

تاجر و دار املاك ... غلاك في تراكين خاطري

خــان عــزيــز وخـنـت اوعـوده ... وحــده في وحــدة مــردودة

نكرب اتميح نرخي اتطيح ... وحلت فيك يا بيت الغلا

سما العين غيم وبرق : : وارعود تتلتل لاورا


لــو كان ماهيش لفلوس قـليــله ... لانـــاخـــدك ولا نــقربك يا درناوي

سمح الزول قليل مثيله.................... حتي في نومي نمشيله

العين جرحها تقريض .. تقطيرت الدوا ماي حامله

يالقديم بلاك احملنا ... لانك فرض ولانك سنه

أوريت يا القديم النار ... حول عوينها تاق جمرها

العقل من اصحاب الصوب***مظلوم والظليمة وااعره

ضلام ظالمين الظلم . . . مظلوم والظليمة واعرة

كي نوصف عزيز أنحوس .. نبدأ أمنين و أمنين ننتهي

نسكت نار نشكي امرار . . . نبكي عيب نكمي واعره

بيوت وزاطت ** ونا في رجا عزيز كبدي ماطت ** الناس كلها دارت بيوت وزاطت

غـلاك في عطيـب النـاس ،، خـلاك مضحكـه يا خـاطري

ادقلت فيه عرض وطول ** من النار مافضل عود تلقطه

انريد من عزومك عزم ....ننساك بيه ياللي انسيتني....

عزيز للدعـــاء ما هان اطلقت بين خالقى وخالقـة

العَقل قال لك يا عَيْن ....... اَنْسَيْهم الاّ نا اتْكِيْدني.

العقل قالي بالعقل ..... ادير عزم وديار خاليه

مقوى اوجوهن لوهام ... بعد عزيز ياما صادفن

عزيز يا العين انسيه *** منك جميل واردودها علي

كبيره يالقديم علي .................. انبحت فيك و مانك لي

قويه يا عصام ،، خوذلك هذي ،،

وراء جديد طاش نظري ،، علي قديم ماعاد نلتفت

خيرتك واختاري بيدك................. بين قديم وبين جديدك

ملاهي مع الاوقات ،، خلاص لا قديمين ولا جدد

اثنين واعرات عليك.............نسوت عزيز ياعين والبكا

عيني راضية في المنام ،، اتشوف العزيز وتنعمى

نار أقدم مازالت تقلي . . . تمشي و ترد على عقلي

أجري جاي أجري يالقديم . . . علي نيرانك حط رديم

بعد ربيع زاهى فيك ....تميتى خلاء يا دارهم

الجرح كان تحتا كسر ...ايسير فى امداواته عدم

تخايلت فيك خيال ..... نحساب هلك يا دار روحوا

اجروح غلاي هك اوهك ... الي يبرا منهن ينفك

للناس تحلفي تنسيهم ,,, بروحك تقولي مرايفة


خذيت ياعزيز عليك *** اتغيب ويش يبقي حالنا


اصغير وصاحب صوب.......... روفي عليه يانار الغلا..


نا مالي عليك ملام .... وياياس ليش اتزورني...:

كفيفه والقايد مكار ..رخاها قبل اتطول الدار

الخاطر عرف ما فيك رمي غلاك بيديه لآوراء


طروك ياقديم ارهنت ..... مبروك غير ياشينك خبر.....

يكمل العمر وماننساك ... حتى ونا كفيف يادار نخبرك

سرق عزيز فى انظرا----ونا سرقت شورا خطوتى

شديد عزم في التوديع .. العقل ما بكى نين باعدوا

لا ما خاب اليوم رجاهن ... في ميعاد غلاهن جاهن

لو بكا مايلتام ..... جرحه جديد مازال خاطري

خليها علي الاقسام ...ان صار صار وان ماصار اجحدي:

لو كان غبر فيك ايطول ... عندي العقل ياما ايقولك.

تقطير مو طمع في دلو *** بلت أرياق للعين سادة


توارى وقال نصيب ... عزيز وين في صوبي اوحل...


متماسكين ياس وقسم .... انظر غلاي فيد من ايجي.

اجعل عزيز يامولاي ... امفيت لي مو قاسم لحد...

عزيز هو دواي وداي *** ومشكاي وطيبتي وعلتي

يبقى حزين نين ايموت .. الخاطر عزا في افراقهم ...

ان شاء الله ياعزيز اتموت *** شماته ولا يخذوك غيرنا

يبقى حزين نين ايموت .. الخاطر عزا في افراقهم ...

ازعمة بيني وبين عزيز محنه *** يقفز وين اتجيه الرنه

انحط عالقديم رديم ... وفي الجديد يانار اولعي

ابعدي ويش درتوا فيه عزيز وين قابلني بكى.......

يبقى ربيع ماله حدود **** لوكان يا غوالي تقسموا

علي قولتي ننساه ****الناس مهابيل صدقوا

انسيهم اللي رخيوك,, وديري عزم وأرخي كيفهم

جميع اللي صاير ننساه فات غلاهم لا والله

ايجيك القديم ابعيب .... ايخليك ابجديد اتبدله...

بيني وبين المرهون جبل ........ انهدة كان ملقيتش حل

كُل يُوم نقول اليُومـ .. ضاع العُمر في طُول الرجا

مليت من خطى لوهام ..... وتقدر اتقول حتى م البكى

بكيــــــت ما بكوا لبكاى ........ ميـت ضمير لولاف قيسهم

مهما نغيب عليك... أنرد بروحي

وديت يا عزيز العقل بالخونـة بعد طولـة رجـــــاء .

اللـه مـاعلـيه صعيـب..خلـق إعزاز يـابال قسمهم

ذابت عليـــة الكبد عزيز غير يا عين ما قسم

اديونى على مرهون . . . اثبتن غير حقى أمسيبه


ذابت عليـــة الكبد عزيز غير يا عين ما قسم

لو كان فى عزيز ايدوم ودك معاى الا الاقسام ساهله

طبيبه ايقول اخذوه....ايطول هله ما ايطول عجلوا....

حتـــــــى وهو عذاب سنين غيات المراهين فاكهـة

كبدي تاكل في عليهم .. ندفر سيتهم و انجيهم

تعاندت نا وامرضي....وابريت لا دوا لا امساوله...

صعيبه عليه العقل...ينسى ناس روحه عندهم..

لا قسم لا لهن لا هان انظـــــــــــارى سبب داهن غنـى

خـــلاني هــلــي مــتــبــاعـــد . . . بين الــنــاس ومــني قــاعــد

لقسام هن اللي ظلام... عزيز كان لي و كنت له...


ان مات مو رحيم بلاك وان عاش مو غنـى نين ياخدك

شدي عزايمك يا عين ... او ظايع علي ما من غلا

رضوني ابقول اقسام.....اعزاز وين ع الجفا لمتهم

ننهاك عن سريب عزيز *****نلقاك فيه ياعين تايها

رباية جنيـــــــن غلاى قصرن ايامها يوم جيــــــــتة

شدش عزايمك ياعين .. يفنى العمر يابال الغلا...

عالخونه عطاني عهد..ما ايديرها قديم ودارها

تلذيع القديم اقهار .. إن درتي جديد ياعين شاوري

بعدي ويش درتو فيه عزيز وين قابلني بكي

امرضي بالبكا دوايت *** ابريت والبكا بات لي مرض

الله والنبي يا عين انسي سريب لولاف خيرلك

عزاكن عليه ادمـوع ... عــزيز يا ملاويع الغلا

بلا رقرقة يا عين انسي عزيز ياساته مضن

خاطر عليك عزيز...اليوم وامس ياعين باكية

خلاني عزيز يتيم ... بكاي ليل والليل ما كمل

لمباكر بكيت عليه....... عزمي شديد في يوم الخطا

اتداري قبال الناس وان صادت خفا دوم سايله

أنخاف مالرجاء والعمر ... يساون وما صار الدنا

لو بكا مايلتام ..... جرحه جديد مازال خاطري

غلاك هو عروق القلب .... بلاه لاحياة لافايدة

علي نين تاق عزيز ** العزم درت روحي دايره

انتم اعزاز نين انموت . واصحاب صوب ديما يا علم

خلوك نين درتي كبد ** غدرو بيك لولاف باعدو

ماني لها حمال غيبة عزيز اتريد وسعة بال .. ونا منيلي.

كي قالي بلاك انحمل ** مربوحة الغالي قلتله

ايجازي ابفاهق شين . . . العقل غير كامي عبرته

لاني ادموع لاني عزم ... كثرن افواهقي بيش نتقي

العين صبرها تمويح بلا عزيز ما عاد حامله

عزاء العقل فيك دموع..عليك وين ما رايف بكاء

اخذيهن أوصاف عزيز تذكار قبل يا عين تنعمي

راااااااااائع مشكو خوي