رفيقة الجربه جربه

معه البايد ما ينفع رقيع=رفيق الـسو في طبعه وضيع
هو في الوصف والجربة سوا=يعديك جــــربة كيف منك دنا
أن ردت أصحاب شيمتهم وفــاء=أقرب لأجواد يدنك الربيع
وكثـر الـــذكر ما تخلي وصــا=لـــه تأثير مـضمون وسريع
للمكروب في ســاعة دعــاء=يــزيل الــــهم يبريه الــوجيع
سبحان الله في قـــطر الـندئ=وسيل العشب وبروق الرجيع
يجارى مزن في كبد السـماء=صــــنع الله مـــا كـيفه صنيع
ايحيد اجــــــداب ويدير عفا=نبت أشــــكال فـي لـونه بديع
ويدب الــحي كــله ع الوطا=شـــفاقا قـــبل مــن قل الـرتيع
وشي كثير ما له شي حصا=مانحيطوا علم بالكون الـوسيع
مسخر خلق واجد مُوْعــضا=للأنــسان لاجـــــل لـه يـطيع
و را الـتوحيد يا مــؤمن نجا=لاتـخطاه فـي الممشى تضيع
وصدق العهد ما له شي اكفا=الا الـفردوس كي يربح البيع
اللي ما تاب فـي الدنيا غوا=نسي غسرات غـرغرة النزيع
ونسي العذاب في ناراً لظا=عــمي م الكبر لـرحامه قـطيع
بـــــين الحق والباطل وقا=ظـــــــلم الناس مردوده شنيع
العدل أحسان ماهو شي جفا=يريد اللين والخــــلق الرفيع
وصلاة وسلام على للهدى=دل الــــــخلق وأنذرهم جميع
ويوم الحشر م الباري عطا=رســــــــول الله لـلأمة شفيع
النعاس المقريف