المقريف رتبة/عضو جديد
عدد المواضيع : 6 العمر : 44 الموقع : اجدابيا مزاجي : المهنة : الهواية : نقاط : 17 تاريخ التسجيل : 27/05/2012
| موضوع: حق العيش خلاص عطينا الخميس 14 فبراير 2013, 10:00 am | |
| الحمدلله والصلاة والسلام على رسول الله:
ثورتنا لله نوينا=في من عابوا فيه نبينا ناضت م الألفين وسته=بنغازي لله بدتها طاحوا فيها رجالتها=قرح ما طابوا ع الشينا دز القذافي يومتها=جيشه واتي متكفينا حاول بالقو ايشتتها=قتل ما من ناساً زينا قصه جبدت سهرايتها=عقلي طول ايخف رعينه في بوسليم ردم خيرتها=ما من راجل فيه ارزينا عدل مولانا ميلتها=في فبراير زاد مشينا ضد اللي طرطش جملتها=فتنا دارلنا وغبينا بوج واطربز ساعتها=ينبح ويهدد بيمينا ولسانه بالعيب نعتها=ثورة ما جت في تخمينه دايرنا جرذان سعتها=سكاره وحبوب خذينا مو متحشم في قولتها=كذبه موش جديد علينا مصراته قالت كلمتها=هيلع شين عليه قضينا والزنتان أخرى وفتها=كلمته وحده ومتينا سيف اللي عنده حتحتها=وامسك كيف الفار رهينا واجدابيا بالخير انعتها=كانت للثوار مدينه طامع مستقصر حيطتها=لابعنا لامعه شرينا فيها رجاله احرستها=والواشون قعد شرقينا درنه م الساعه خشتها=موقفها سمح اموالينا والبيضاء سلم ضنوتها=فزاعه في الكرب القينا طبرق واللي في حومتها=لو بيش بما حق وفينا عاصمة الدوله ادفعتها=سيل ادموم ضريبه شينا لكن يحفظ رجالتها=خيرة يزابوا ع الزينا فيت اوحود الله باهتها=مبخوسين بهم بالينا عفنين ومن زمزاقتها=يا كانت غينتهم غينا سراقه كانت صنعتها=واحقاد وثارت قديمه تكره تسمع حوحايتها=بالقول اللي ما يرضينا لكن ما طالت حوستها=نين التمت في غاشينا جمليه جت في فزعتها=حق العيش خلاص عطينا دين شباب اللي جبتها=ثورة مبروكه وثمينا فرحه يا وطني غايتها=بالتعمير جباك بنينا خوف الناس علي ثورتها=ملي مليانين ضغينا هلي ضد السيل تعتها=تطلع كان اتريد اتجينا تلقى كيف اللي لقيتها=يوم الطاغي فيه نهينا | |
|