البخت او السعد : يعني الحظ في اللغة العربية .. كما يقولو فلان سعده راقد او بخته راقد . يعني ماعنداش حظ..
أخترت هذا الموضوع وان شاء الله ينال الرضا منكم ..
البخت هو لي بلهون *** لو كان لي سعد ماباعدو
علي ارقادة ريحي والبخت *** مسمح ابكاك يا العين فى الخلا
نهارة تقسيم الصوب *** مالبخت نا جيت لاوري
مساعدات يا لنظار *** ع البخت في مغالات الغني
انتى ياعين عطيبة حظ .........اديرى صوب اسبوع وايفظ
من البخت كي انشيل انظاري *** ايجي اصداف دار وخاليه
البخت اللى الياس أمحاديه *** امعايا ديما واحل فيه
البخت اللى ما خشه ياس *** أمعادينى من دون الناس
القديم مادارش فيه عيب *** العيب على بختى العطيب ...
الدنيا ياالقديم ابخوت *** اتفرق حتى بين الخوت
علي ما درنا من مجهود .. البخت و حظ العين ارقـووووود
اندير الغلا و يضيع .... ملطوط فيه بختي نا اللي
عزيز ما عليه ملام *** اللوم غير ع العين والبخت
بالك اليوم اتنوض *** سديت وانت راقد يا سعد
نرمو كلنا علبخت *** و نسين ضلم ايام ظالمة
البخت ما ايجي تسنيد*** انكان ما بيدا قعد
جميع مازرعتا صاف *** بختى عطيب ياناس فى الغلا
منقول
موضوع: غناوى وشتاوى عن البخت او السعد 
الأحد 06 ديسمبر 2009, 1:37 pm
