قصيده شعبيه لي انا اخوكم ابريك بوموصاخ

الدايم الله ياليبيا في هلنا...اللي من فعايلهم كثير ازعلنا

عرب طماعه...اللي هضا شاقي بالحيا واطماعه
شقو بالمناصب ناسيين الطاعه...لوكان ينظرو بالله وين اوصلنا
اللي هضا فارض عالضعيف شجاعه...واحنا يابلادي كاميين عللنا
قول خاطري قربت اتقوم الساعه...ونحنا انراجو فالفرج مازلنا

عرب كذابه...نسيو الله وناسيين احسابه
كلتم علي لاخر ايدير انصابه...واحنا ضحيه جرم خاب املنا
ابجاه من امنزل عالرسول اكتابه...نباهم اقلال الخير سع يوصلنا

عرب مسلاقه...ايجيك بالحديث اتشوف فيه لباقه
ووين مامسك يطلع امن السراقه...ياريتنا علي شانك صحيح اكملنا
ومن فقد الحبايب نارنا حراقه...عليك وعليهم يالدار انهلنا

وضاقت بينا...بعد افراقهم جدن امور علينا
تريس موتو عالحق ليش انسينا...لولا هاضوم رانا حقنا مانلنا
واليوم بالخداع ارواحهم كافينا...واحنا مسارهم مانا اللي كملنا
زعم عيب فيهم كان ولا فينا ... اللي حقنا جابو وماعدلنا
الدايم اللة فيهم اعزاز علينا...بارك بعدهم حيه تم جملنا

ياليبيا في هلنا........تحياتي الشاعر:ابريك بوموصاخ الشيخي

زعم عيب فيهم كان ولا فينا ... اللي حقنا جابو وماعدلنا
شكرا اخي ابريك وفنتظار القادم من ابداعك